HaqqYolu – Qafqazda müharibə ocaqları ləğv olunanadək sərhədlərin qorunması lazımdır - əksər ekspertlər hazırkı vəziyyətdə nəzarət-keçid məntəqələrinin daha da möhkəmləndirilməsini faydalı sayırlar. Saakaşvili isə belə düşünmür. GHN şəbəkəsi xəbər verir ki, Gürcüstan prezidenti Avropada olduğu kimi sərhədlərin yüngülləşdirilməsi və ləğvini zəruri sayır.
Maliyyə nazirliyində iclasda çıxış edən Saakaşvili sərhəd keçidinin yüngülləşdirilməsi ilə bağlı Türkiyə ilə razılıq əldə edildiyini bildirirb. Ermənistanla da razılaşdığını vurğulayan Saakaşvili Azərbaycan tərəfi ilə müzakirələr aparacağını deyib. Gürcüstan ərazisindəki gərginlik ocaqları Qafqaz ölkələrindən qızışdırılmadığından Saakaşvilinin Türkiyə, Ermənistan və Azərbaycandan ehtiyatlanmağa səbəbi yoxdur. Bu mövzunun Azərbaycan üçün zərərli ola biləcəyi isə onu maraqlandırmır.