Ölkədə məscidlərlə əlaqədar problemlər səngimək bilmir. Azanın verilməsinə qeyri-rəsmi olaraq qoyulmuş qadağalar, məscidlərin bağlanması və ya sökülməsi və bu kimi hallar inanclı insanların az qala səbr kasalarını doldurub. Bu sıradan yeni qayda tətbiqi gündəmə gəlib. Belə ki, Dini Qurumlarla İş üzrə Dövlət Komitəsinin sədri Hidayət Orucov yeni açıqlama verib. H.Orucov məscid tikənlərin və təmir-bərpa etmək istəyənlərin Dövlət Komitəsinə müraciət etmələrini mütləq sayır. Qurumun rəhbəri yalnız komitənin rəyilə bu işlərin aparıla biləcəyini və bütün proselərin qanun çərçivəsində olmasını mümkün sayır. O, qanundankənar heç bir tikinti və təmit-bərpa işlərinə yol verilməyəcəyini də deyib.

Müsəlman Əfqanıstan ölkəsi uzun illərdir ki, müharibələr içərisində çabalayır. Bu ölkə vaxtilə SSRİ-nin, indisə Amerikanın hərbi poliqonuna çevrilib. Keçmiş sovetlər birliyi kimi guya Birləşmiş Ştatlar da Əfqanıstanda radikal "Taliban" qruplaşmasını zərərsizləşdirmək, əfqan xalqının təhlükəsizliyini təmin etmək istəyir. Əslində 2001-ci il 11 sentyabr hadisələrindən sonra guya Əfqanıstanda terrorçu ovuna çıxan Amerika bu ölkəni işğal edərək, altını üstünə çevirdi. Amma terrorçunu "ələ keçirə", eləcə də "Taliban"la bacara bilməyən ABŞ qüvvələrinin Əfqanıstanı tərk etməsi əvəzinə Ağ Ev rəhbəri Barak Obama oraya əlavə 30 min əsgərin göndərilməsi və onların "Taliban"la döyüşə cəlb edilməsi qərarını verib.